અમે નીલફુવારે રમતાં રે મનગમતાં

અમે નીલફુવારે રમતાં રે મનગમતાં

વસંતની ફુલછાબ બિછાવે

ફૂલ ફૂલ નાદ સુણવતાં રે મનગમતાં ...... અમે....

પરાગના અસવાર બનીને

ગંઘ સુગંઘ વિહરતાં રે મનગમતાં...... અમે....

અષાઢ ની ઘનઘોર ઘટામાં

ચમક  ચમક ચમકંતા રે મનગમતાં...... અમે....

કાળા  કાળા વેશ ધરીને

મયુરને નચવંતા રે મનગમતાં...... અમે....

ઉષા અરુણના કુમકુમ પગલે

રંગ  સુગંઘ રચંતા રે મનગમતાં......અમે ....

સાંજ પડે રવીરાજ ઢળે જ્યાં

સ્વપ્ના સાથ રમંતા રે મનગમતાં...... અમે ....