ઓ પેલાં ઝગમગતાં તારલાની જોડી, લાગે કેવી રુડી ,

ઓ બા મને કહેજેને વાત એની થોડી.

પચરંગી ફૂલ પેલાં કોણે તે રંગીયા?

છુપી છુપી વાતો શું કરતાં પતંગીયા ?

પેલાં ભમરાં ગુંજેછે દોડીદોડી, આ પ્રીત કોણે જોડી ,

ઓ બા મને કહેજેને વાત એની થોડી ...... ઓ પેલાં....

 ઘુઘવતાં સાગરના નીર ક્યાથી આવ્યા ?

મોટા મોટા મગરમચ્છ ઉરમાં સમાવ્યા ?

પેલી નદીઓ શુંજાય દોડી દોડી, પર્વત ઘર છોડી ,

ઓ બા મને કહેજેને વાત એની થોડી ...... ઓ પેલાં....

લીલાછમ વ્રુક્ષો ને ઉંચા ઉંચા ડુંગરા ,

વન  ઉપવનને પંખી પર્વતની કન્દરા ,

પેલાં પંખી શું ગાય દોડી દોડી,  કુદરત કેવી રુડી ,

ઓ બા મને કહેજેને વાત એની થોડી ...... ઓ પેલાં....

કાળી કાળી વાદળી ઝાંખીએ સોહામણી ,

આકાશે ઉડતી માલત મહેરામણી

 પેલી વર્ષા ની ધાર કોણે છોડી ? મહી વીજ કોણે જોડી ?

ઓ બા મને કહેજેને વાત એની થોડી ...... ઓ પેલાં....