બાલુડા આવજો હો મારી નિશાળમાં

પંખીડા આવજો હો મારી નિશાળમાં

મારી નિશાળમાં નાનકડો બાગ છે

નાનકડાં બાગમાં  છોડો અપાર છે

ડાળીએ ડાળીએ ફૂલ મારી નિશાળમાં ......... બાલુડા આવજો

મારી નિશાળમાં નાનું મેદાન છે

નાના મેદાનમાં રમતો રમાય છે

દોડી દોડી દેતા સૌ દાવ મારી નિશાળમાં.... બાલુડા આવજો

મારી નિશાળમાં ભણતર ભણાય છે

જીવન ઘડતરના પાઠો શીખવાય છે

શીખવાને આવજો હો મારી નિશાળમાં.... બાલુડા આવજો

બાળકો સૌ તમે નિશાળમાં ભણજો

પંખી તમે સૌ બાગમાં ચણજો

સાથે સાથે જઇશુ સૌ મારી નિશાળમાં .... બાલુડા આવજો