ખાતી નથી, પીતી નથી, ઢીંગલી મારી બોલતી નથી ,

બોલ બા કેમ બોલાવું એને કેમ બોલાવું?    

ડોલમાં બેસાડી એને  નવડાવું,

ચમ્પાના ફુલ ની વેણી ગુંથાવું,

તો પણ તે બોલતી  રે નથી  ... (2)… … ખાતી નથી

ઘંટી ને ઘુઘરો આપુ છું રમવા,

સોનાને પાટલે બેસાડું જમવા,  

તો પણ તે ખાતી   રે નથી  ... (2)… … ખાતી નથી

પંખી બતાવું ડાળીએ ઝૂલતાં,

મેના પોપટ ને મોરલા ટહુકતાં,

તો પણ તે ગાતી   રે નથી  ... (2)… … ખાતી નથી

પહેરાવું ઝાંઝરી ને રેશમી ઝબલું,

છમછમ નાચું ને વગાડું તબલું,

 તો પણ તે નાચતી   નથી  ... (2)… … ખાતી નથી

ચાન્દામામા તો આકાશે રમતાં ,

બાબાગાડીમાં ઢીંગલી બેન ફરતાં,

મારે પણ બોલવું નથી    ... (2)… … ખાતી નથી